100 мингга яқин қозоғистонлик сув тошқиндан жабр кўрган ҳудудлардан эвакуация қилинди

ASTANA. Kazinform – ҚР Фавқулодда вазиятлар вазирлиги маълумотларига кўра, фуқаро муҳофазаси хизматлари 97 мингдан ортиқ одамни эвакуация қилган, улардан 32 минг нафари болалар, деб хабар беради Kazinform мухбири.

11 апрель куни эрталабки ҳолатга кўра, вақтинчалик жойлаштириш марказларида 7173 киши жойлаштирилган, улардан 3494 нафари болалардир.

- Фавқулодда вазиятлар вазирлиги ва маҳаллий ижро ҳокимияти органлари томонидан 8,8 миллион куб метр эриган қор суви чиқарилди, 1,4 миллиондан ортиқ қоп ва 1,1 миллион тонна инерт материал ётқизилди. Қутқарув ишларига 27 мингдан ортиқ киши, уч мингга яқин техника ва 15 та самолёт жалб этилган”, - деди ҚР Фавқулодда вазиятлар вазирлиги фуқаролик мудофааси ва ҳарбий қисмлар қўмитаси катта офицери Ерасил Сайпаш брифингда.

Унинг эслатишича, Қозоғистоннинг саккизта вилоятида: Ақтўбе, Қостанай, Ғарбий Қозоғистон, Ақмола, Қарағанди, Атирау ва Шимолий Қозоғистон вилоятлари ҳамда Улитау вилоятида 33 та маҳаллий фавқулодда ҳолат ҳанузгача давом этмоқда.