10-12 август кунлари Қозоғистонда ҳаво ҳароратининг пасайиши кутилмоқда

ASTANA. Kazinform – 10-12 август кунлари республиканинг аксарият ҳудудларида ҳаво беқарор бўлиб, ёмғир ёғиб, момақалдироқ бўлиши мумкин, кучли шамол эсиб, дўл ёғиши мумкин. Бу ҳақда Kazinform агентлиги “Қазгидромет” РДКга таяниб хабар беради.

Синоптикларнинг хабар беришича, 10, 12 август кунлари мамлакат шимоли-ғарбида, 10 августда марказда, 10-11 августда шарқда, 11 августда жануби-шарқда кучли ёмғир ёғиши кутилмоқда. Республика бўйлаб кучли шамол эсиши мумкин.

Қозоғистоннинг аксарият ҳудудларида ҳаво ҳароратининг босқичма-босқич пасайиши кутилмоқда: кундузи мамлакат ғарбида +20+30°С гача, шимоли-ғарбда +15+28°С гача, шимолда +15+25°С гача, шарқда ва марказда + 17+28°С гача.

Мамлакатнинг жануби-шарқида кундузи +35+38°С гача, Қозоғистон жанубида +30+37°С даража иссиқ бўлиши кутилмоқда.