Ёмғир, чақмоқ, туман: Қозоғистонда бугун об-ҳаво қандай бўлади
“Қазгидромет” РДК 20 сентябрь куни кутилаётган об-ҳаво маълумотларини эълон қилди, дея хабар беради Каzinform.
Компания томонидан эълон қилинган маълумотларга кўра, 20 сентябрь куни республиканинг ғарбий ҳудудларида антициклон таъсири туфайли кун давомида ёғингарчилик бўлмайди. Республиканинг бошқа ҳудудларида эса атмосферанинг фронтал қисмлари ўтиши муносабати билан ҳаво ўзгаради, яъни ёмғир ёғади, чақмоқ чақади. Мамлакатнинг жануби-шарқида кучли ёмғир ёғади, жануби-шарқнинг тоғли ҳудудларида қор аралаш ёмғир ёғади.
Республика бўйлаб кучли шамол эсади, туман тушади, кечаси мамлакат жанубида чанг бўрони ҳукм суради.
Қизилўрда вилояти маркази, шарқи, жанубида, Қарағанди вилояти жанубида, Улитау вилоятида кучли ёнғин хавфи сақланиб туради.
Жамбил, Туркистон вилоятининг чўл ҳудудлари ва Алмати вилоятининг шимолий ярмида юқори ёнғин хавфи кутилмоқда.
