Қозоғистонда болаларни мактабга қабул қилиш тартиби ўзгаради

Болаларни мактабга қабул қилиш учун зарур бўлган ҳужжатларни топшириш муддати ўзгариши мумкин, деб хабар беради Kazinform мухбири.

Бу ҳақда Ashyq НҲА порталида эълон қилинган ҚР Таълим-маориф вазирлиги буйруғи лойиҳасида ёзилган.

“Биринчи синфга қабул қилинган болаларнинг ота-оналари ёки бошқа қонуний вакилларидан ҳужжатларни қабул қилиш жорий ўқув йил 1 апрелдан бошлаб амалга оширилади”, - дейилади ҳужжатнинг янги таҳририда.

Эслатиб ўтамиз, амалдаги талабга кўра, биринчи синфга борадиган болалардан ҳужжатларни қабул қилиш 1 апрелдан 1 августгача давом этади. Энди августдан кейин ҳам давом этиши мумкин. Чунки, олдин белгиланган тугатиш вақти олиб ташланади.

Бундан ташқари, 10, 11, 12-синфлар учун ўқувчилардан ҳужжатларни қабул қилиш муддати ўзгаради.

“Ўнинчи, ўн биринчи, ўн иккинчи синфларга ўқувчиларни қабул қилиш уларнинг шахсий аризаси ёки ота-оналари ёки бошқа қонуний вакилларининг аризаси ҳамда асосий ўрта таълим тўғрисидаги давлат намунасидаги ҳужжат асосида амалга оширилади. Ариза календарь йилининг 31 августигача қабул қилинади”, - дейилади Халқ таълими вазирлиги буйруғи лойиҳасида.

Амалдаги қоидаларга кўра, ушбу синфларга болалардан ҳужжатларни қабул қилиш 15 августда тугайди.

Энди унинг муддати 31 августга қадар узайтирилади.

Мазкур ҳужжат 3 октябргача жамоатчилик муҳокамаси учун очиқ бўлади.