Режеп Таййип Эрдоған Илон Маскга Туркияда завод қуришни таклиф қилди

Туркия президенти Режеп Таййип Эрдоған Нью-Йоркда SpaceX ва Tesla асосчиси Илон Маск билан учрашди. Маск қабулга ўғли билан келди, дея хабар беради Kazinform мухбири Аnadolu агентлигига таяниб.

Учрашув Нью-Йоркдаги Турк уйи (Türkevi) биносида бўлиб ўтди. Режеп Таййип Эрдоған учрашув чоғида Илон Маскга Туркиядаги еттинчи заводини қуришни таклиф қилди. У Туркия космик дастурини амалга ошириш доирасида SpaceX билан ҳамкорлик қилиш имкониятини маълум қилди.

Президент Маск билан мамлакатнинг технология соҳасидаги ютуқлари, Digital Turkey Vision дастури, миллий сунъий интеллект стратегияси ва учувчисиз учиш аппаратларини яратиш борасидаги ютуқлар ҳақида суҳбатлашди.

Режеп Таййип Эрдоған америкалик тадбиркорни Измирдаги Teknofest фестивалига ҳам таклиф қилди.