Юлия Путинцева Бирмингем турнирини яккалик баҳсларида ғалаба билан бошлади

ASTANA. Кazinform - Қозоғистоннинг иккинчи, жаҳоннинг 41-ракеткаси Юлия Путинцева Бирмингем (Буюк Британия) WТА 250 турнирининг иккинчи босқичига чиқди.

Қозоғистонлик теннисчи биринчи даврада жаҳон рейтингида ўзидан икки поғона пастда бўлган франциялик Клара Бюрелнинг заиф нуқтасини топди.

Биринчи партияда 3:3 ҳисоби қайд этилганидан кейин Путинцева ғалаба қозонди – 6:3. Иккинчисида ҳам худди шундай темпни бўшаштирмади - 6:4.

Бир соату 26 дақиқа давом этган учрашувда Юлия 7 та брейк-пойнтдан 4 тасини ва 1 та эйсни ишлатди. Бюрель 2 та эйс, 2 та брейк (12 та брейк) билан чекланди.

Юлия Путинцева чорак финалга чиқиш учун дунёнинг 31-ракеткаси, британиялик Кэти Бултер ёки 47-ўриндаги украиналик Ангелина Калинина билан рақобатлашади.

Бунгача Ю.Путинцева жуфтлик баҳсларида россиялик Анастасия Потапова билан дастлабки учрашувни муваффақиятли ўтказиб, чорак финалга йўл олганди.

Берлинда (Германия) бўлиб ўтаётган WТА 500 турнирида қозоғистоннинг биринчи, дунёнинг 4-ракеткаси Елена Рибакинанинг рақиби аниқ бўлди. У иккинчи даврада дунёнинг 38-ракеткаси россиялик Вероника Кудерметова билан учрашади. В.Кудерметова биринчи даврада дунёнинг 15-ракеткаси, ҳамюрти Людмила Самсоновадан 3:6, 6:4, 6:4 ҳисобида устун келди.

Эслатиб ўтамиз, аввалроқ Александр Бублик Германиядаги мусобақанинг 1/8 финалига чиққани ҳақида ёзган эдик.