Юлия Путинцева Рим мастерс турнирининг иккинчи босқичига чиқди

ASTANА. Кazinform – Қозоғистоннинг иккинчи ва жаҳоннинг 51-ракеткаси Юлия Путинцева Рим WТА 1000 турнирининг иккинчи босқичига чиқди, деб хабар беради Кazinform мухбири.

Қозоғистонлик спортчи биринчи даврада 76-ўринни эгаллаб турган болгариялик Виктория Томовага қарши кортга чиқди.

Учрашув жуда кескин курашларга бой бўлиб, уч сет давом этди. Биринчи сетда болгариялик спортчи тай-брейкда устун келди – 7:6 (7:5). Иккинчисида Юлия мувозанатни тиклади - 7:6 (7:3). Учинчи, ҳал қилувчи сетда Путинцева ғалаба қозонди - 6:0.

Қарийб уч соат давом этган мусобақада Ю.Путинцева 2 та эйс амалга оширди ва 18 та брейк-пойнтдан 8 тасидан фойдаланди. Рақиб 5 брейкдан (14 та брейк-пойнт) ошиб кета олмади.

Юлия Путинцева учинчи босқичга чиқиш учун дунёнинг 5-ракеткаси америкалик Кори Гауфф билан беллашади.

Қозоғистоннинг биринчи, жаҳоннинг 6-ракеткаси Елена Рибакина иккинчи босқичда 65-ўринни эгаллаб турган италиялик Жасмин Паолини билан ўйнайди.

Эслатиб ўтамиз, Александр Бублик Рим мастерс турнирини муваффақиятли бошлади.

Муаллиф: Ғайсағали Сейтақ