Ўзбекистонлик Silk Way Star иштирокчиси гранд финалдаги асосий рақибини атади

ASTANA. Kazinform - Ўзбекистон шарафини ҳимоя қилаётган Silk Way Star биринчи Осиё вокал мега-лойиҳасининг финалчиси Мадинабону Одилова «Бүгін.Live» кўрсатувида танлов ҳақидаги ўз таассуротлари билан ўртоқлашди ва ўзининг энг ашаддий рақиби номини айтди. 

Хонанданинг сўзларига кўра, лойиҳа иштирокчиларининг савияси ниҳоятда юқори, бу эса рақобат ҳақида гапиришни қийинлаштиради. Бироқ, барча иштирокчилар орасида у Арманистон вакили Саро Геворгянни алоҳида ажратиб таъкидлади.

Фото: instagram.com/silkway.star

"Бу ерда ҳаммамиз профессионалмиз, ҳаммамиз жуда яхши қўшиқ айтамиз. Бироқ рақибим ҳақида гапирадиган бўлсам, мен Саро Геворгяндан устун келишини жуда хоҳлайман. У Арманистондан келган иштирокчи. Мен уни жуда ҳурмат қиламан, у ҳақиқатан ҳам ажойиб. Менимча, у бу лойиҳада энг талантили ва ҳақиқий профессионалдир. Ҳар бир эфирда унинг чиқишлари доимий равишда юқори даражада, унда бирор ёмон чиқиш бўлмайди", - дейди Мадинабону Одилова. 

Фото: silkway.star / instagram.com

Хонанда бу жараёнга рақобат сифатида эмас, балки шахсий ижодий чақирув сифатида қарашини таъкидлади. Шунингдек, у иштирокчилар ўртасидаги дўстона муҳитни қайд этди ва эфирдан ташқари ҳамкасблари билан қандай алоқада бўлиши ҳақида гапирди.

"Биз дўстмиз. Тез-тез гаплашиб турамиз. Бизнинг умумий гуруҳимиз бор, ҳамма билан мулоқот қиламиз. Шундай экан, лойиҳада жуда дўстона муҳит ҳукм сурмоқда", - дея қўшимча қилди хонанда.

Фото: instagram.com/silkway.star

Эслатиб ўтамиз, Осиёдаги энг кучли еттита овоз сўнгги босқичда:

• ALEM (Қозоғистон)
• Язмин Азиз (Малайзия)
• Автандил Абесламидзе (Грузия)
• Мишель Жозеф (Мўғулистон)
• Чжан Хэ Сюань (Хитой)
• Саро Геворгян (Арманистон)
• Мадинабону Одилова (Ўзбекистон)

Фото: instagram.com/silkway.star

Гранд-финал 22 ноябрда бўлиб ўтади ва Jibek Joly телеканалида соат 20:00да жонли эфирда намойиш этилади. Бир вақтда эшиттиришлар Қозоғистон, Озарбайжон (Space TV), Тожикистон (“Сафина”), Қирғизистон (“Музыка” ва “Мадания”), Мўғулистон (UBS ва «АИСТ Глобал»)да ўтказилади. 

Биринчи Осиё вокал мега-лойиҳаси ғолиби бирлашган тизим орқали аниқланади: 50% ҳакамлар ҳайъати томонидан, 50% онлайн аудитория овоз бериш йўли билан. Севимли қўшиқларингизни silkwaystar.org. сайтида қўллаб-қувватлашингиз мумкин.

Лойиҳа Қозоғистон Республикаси Президентининг Телерадиокомплекси ва China Media Group (CMG) ўртасидаги келишув доирасида амалга оширилмоқда.

Эслатиб ўтамиз, аввалроқ Silk Way Star ўзининг юқори профессионаллиги билан европалик мутахассисларни ҳайратда қолдиргани ҳақида хабар бердик.

Аввалроқ Лойиҳадан сўнг машҳурлигим ортди - ўзбек хонандаси Silk Way Star ҳақида хабар берилган эди.

Қозоғистонлик қўшиқчи АLEM биринчи Осиё вокал лойиҳаси - Silk Way Starнинг гранд финалига тайёргарлик кўрмоқда.