Хитой Халқ Республикаси раиси Си Цзиньпин Дональд Трампни аэропортда шахсан кутиб олди. Бу қадам икки томонлама муносабатларнинг муҳим масалалари бўйича музокаралар арафасида пухта ўйланган дипломатик ишора сифатида баҳоланмоқда.
BBC маълумотларига кўра, бу Си Цзиньпиннинг ХХР раиси сифатида хорижий давлат раҳбарини аэропортда шахсан кутиб олган илк ҳолатидир.
Шу тариқа, ХХР раиси сентябрь ойида уни Вашингтон аэропортида шахсан кутиб олган Трампга жавоб тариқасида худди шундай муносабат кўрсатди.
BBC баҳолашича, ушбу қадам савдо ва технологиялар масалалари бўйича музокаралар учун қулай муҳит яратишга ёрдам беради.
Эслатиб ўтамиз, 19 ноябрда Шэньчжэнь шаҳрида ОТИҲ саммити доирасида Хитой, Россия ва АҚШ раҳбарларининг уч томонлама учрашуви бўлиб ўтиши кутилмоқда.
Бугун куннинг биринчи ярмида ХХР раиси Си Цзиньпин ва Россия президенти Владимир Путин Шэньчжэнь шаҳрида икки томонлама музокаралар ўтказди.
Хитой Ташқи ишлар вазирлигида учрашув тафсилотлари кейинроқ эълон қилинишини маълум қилинди.