Қозоғистонлик теннисчи чорак финалда бир вақтлар жаҳон рейтингида пешқадам бўлган, ҳозирда 13-ўринни эгаллаб турган, «Катта дубулға» турнирининг тўрт карра чемпиони, япониялик Наоми Осака билан куч синашди.
Бу икки спортчининг ўзаро илк учрашуви бўлди.
Биринчи сет 6:4 ҳисобида япониялик теннисчи фойдасига якунланди.
Иккинчи сетда Елена Рибакина тай-брейкда жавоб қайтарди — 7:6 (7:5).
Учинчи, ҳал қилувчи сетда ҳисоб 3:3 бўлган пайтда қозоғистонлик спортчи брейк қилиб, ўз геймини ҳам ютиб, ҳисобни 5:3 га етказди. Шундан сўнг у учрашувни эйс билан якунлади — 6:4.
Икки соат 34 дақиқа давом этган кескин ва муросасиз баҳсда Рибакина 14 та эйс амалга ошириб, 6 та брейк-пойнтдан 3 тасидан унумли фойдаланди. Осака эса 3 та эйс ва 3 та брейк (7 та брейк-пойнт) қайд этди.
Елена Рибакина финалга чиқиш учун жаҳоннинг 4-ракеткаси, америкалик Кори Гауфф билан баҳс олиб боради. Унинг ярим финалдаги рақиби — рейтингда 14-ўринда турган швейцариялик Белинда Бенчич — учрашувда иштирок этишдан воз кечди.
Қозоғистонлик теннисчи ўтган йили ҳам турнирнинг ярим финалига қадар етиб борган эди.