Қасим-Жомарт Тоқаев Режеп Таййип Эрдоғанни Республика куни билан табриклади.
“Ушбу байрам - турк халқининг бирлиги ва бунёдкорлигининг ёрқин рамзи, давлатчилиги ва барқарор тараққиётининг мустаҳкам таянчидир. Сизнинг доно раҳбарлигингиз туфайли Туркия сиёсий, ижтимоий-иқтисодий ва илмий-техник соҳаларда юксак марраларни забт этиб, халқаро ҳамжамиятнинг қудратли ва нуфузли аъзосига айланди”, — дейилади телеграммада.
Президент икки мамлакат ўртасида абадий дўстлик ва кенгайтирилган стратегик шериклик даражасига кўтарилган муносабатлар халқларимиз манфаатлари йўлида изчил ривожланиб боришига ишонч билдирди.
Шунингдек, Қасим-Жомарт Тоқаев Режеп Таййип Эрдоғанга масъулиятли фаолиятида улкан муваффақиятлар, қардош Туркия халқига эса бахт-саодат ва фаровонлик тилади.
Эслатиб ўтамиз, Қасим-Жомарт Тоқаев Туркияга расмий ташриф билан борди.
Давлат раҳбари Туркий давлатлар ташкилотининг 13-саммитида иштирок этади.