Сурияда аҳолини рўйхатга олиш ўтказилади ва янги конституция қабул қилинади

ASTANA. Kazinform – Сурияда янги ҳукумат аҳоли рўйхатини ўтказади, янги Конституцияни тасдиқлаш ва эркин сайловлар ўтказишни ўз ичига олган “йўл харитаси”ни эълон қилади. Бу ҳақда Туркиянинг Hürriyet газетаси манбаларига таяниб, Report агентлиги хабар берди.

“Янги Сурияни яратиш вақти келди. Муваққат маъмурият ташкил этилгандан сўнг “йўл харитаси” эълон қилинади. Янги Конституция тасдиқланади, аҳолини рўйхатга олиш ва эркин сайлов жараёни ташкил этилади”, – деб ёзади нашр.

Эслатиб ўтамиз, Сурия президенти Башар ал-Ассад мамлакат пойтахтини тарк этди.

Сурия мухолифати Дамашқни Асад режимидан озод деб эълон қилди.

Башар Асад ва унинг оила аъзолари Москвага борди.

Суриянинг айрим шаҳарларида комендантлик соати жорий этилди.

Путин Асадга сиёсий бошпана берди.

Сурия ҳарбийлари Ироққа жўнаб кетди.

Муҳаммад ал-Башир Суриянинг ўтиш даври ҳукуматини бошқаради.