Шимолий Корея ўз қўшинларининг Россия-Украина можаросида иштирок этаётганини тасдиқлади

ASTANA. Kazinform - КХДР ҳукумати биринчи марта ўз ҳарбийларини Украина билан ҳарбий можарода иштирок этиш учун Россияга жўнатганини тасдиқлади, деб хабар беради Кazinform агентлиги BBCга таяниб.

Yonhap агентлигининг Корея марказий ахборот агентлиги (KCNA) маълумотларига таяниб хабар беришича, қўшинлар “Шимолий Корея етакчиси Ким Чен Иннинг буйруғи билан” икки давлат ўртасидаги кенг қамровли стратегик шериклик келишувига мувофиқ амалга оширилган.

— Украина ҳукуматининг Россия Федерациясига авантюристик босқинини қайтариш учун Курск вилоятини озод қилиш бўйича операциялар ғалаба билан якунланди, — дейилади KCNA хабарида.

Унда қўшимча қилинишича, КХДР Қуролли кучлари бўлинмалари “давлат раҳбари Ким Чен Иннинг буйруғига биноан” амалиётларда иштирок этган.

Шанба куни Россия Бош штаби раҳбари Валерий Герасимов Владимир Путинга Курск вилоятидаги вазият ҳақида ҳисобот берар экан, “Шимолий Корея ҳарбийлари ҳудудни озод қилишда катта ёрдам кўрсатди”, деб айтди.

Герасимовнинг баёноти КХДР қўшинларининг Россияга жўнатилгани ҳақидаги биринчи расмий тасдиқ бўлди.

Эслатиб ўтамиз, Россия Башар Асадни Сурияга топширишдан бош тортди.