“Бу менинг ҳикоям. Мадейрадан Саудия Арабистонигача менинг CR7 номли музейим энди Ар-Риёдда очилган”, - деб ёзган Жаҳон футболи юлдузи Instagram саҳифасида.
Музейда Криштиану Роналдунинг шахсий буюмлари: футболкалар, мукофотлар, пойабзаллар, кубоклар ва медаллар, жумладан бешта “Олтин тўп” мукофотлари тўплами намойиш этилган. Футболчининг мум нусхаси ҳам бор.
Роналду қишки трансфер ойнасида “Ал-Насср”га ўтди.
Футболчи 2022/2023 йилги мавсумни “Манчестер Юнайтед”да бошлаган, бироқ кейинчалик раҳбарият ва мураббий билан келишмовчилик туфайли клубни тарк этган.
Эслатиб ўтамиз, аввалроқ Криштиану Роналду миллий терма жамоадаги 200-ўйини ҳамда энг юқори йиллик даромади учун Гиннеснинг рекордлар китобига киритилган эди.