Қозоғистонлик теннисчи ўзининг илк учрашувида жаҳон рейтингида ўзидан ўн поғона юқори бўлган хитойлик Чжан Чжичжэнь билан кортга чиқди.
Дастлабки партияда хитойлик теннисчи 6:4 ҳисобида зафар қучди.
Иккинчи ва учинчи сетларда А.Шевченко камбэк қилди ва учрашувни ғалаба билан якунлашга муваффақ бўлди - 6:4, 6:3.
Деярли икки соат давом этган шиддатли баҳсда Шевченко 13 эйс билан 8 та брейк-пойнтнинг ярмини фойдаланди. Рақиб 5 эйс, 2 брейк (7 брейк-пойнт)дан ошиб кета олмади.
Александр Шевченко чорак финалга чиқиш учун жаҳоннинг 7-ракеткаси, даниялик Хольгер Руне ёки 39-ўринни эгаллаган россиялик Роман Сафиуллин билан рақобатлашади.