“Сентябрь ойининг иккинчи ярмида Халқ Кенгаши тузилади. Бу — Қозоғистон тарихидаги илк олий консультатив орган ҳисобланади. Мамлакатимизнинг этник, минтақавий, ижтимоий ва жамоат-сиёсий хусусиятларини бир мақсад атрофида бирлаштирадиган янги тузилма қонунчилик ташаббуси билан чиқиш ҳуқуқига эга бўлади. Аслида, бу — ноёб орган. Шу тариқа, қисқа вақт ичида ҳокимиятнинг барча асосий институтлари янгиланиб, келгусидаги ислоҳотларга янги туртки беради”, — деди Қасим-Жомарт Тоқаев.
Президентнинг фикрича, ҳақиқий ватанпарвар фуқаро учун ўз халқига сидқидилдан хизмат қилишдан ортиқ бахт йўқ.
“Миллат манфаати барча нарсадан устун туриши лозим. Адолатли ва кучли Қозоғистонни барпо этиш — барчамиз учун умумий вазифадир. Эл ишончини оқлаш — бурчдир. Сизлар бу йўлда сидқидилдан ва фидокорона меҳнат қиласизлар, деб ишонаман. Қурултой фаолиятига муваффақият тилайман! Муқаддас Ватанимиз тараққий этиб, гуллаб-яшнайверсин! Қозоғистон Республикаси яшнасин!”— дея сўзини якунлади Давлат раҳбари.
Эслатиб ўтамиз, Биринчи чақириқ Қурултой: Президент биринчи сессияни очди.