57 килограмм вазн тоифасидаги «олтин» учун кечган жангда Қозоғистон вакили Маҳмуд Сабирхан ва маҳаллий боксчи Саравут Суктхет тўқнаш келишди. Қозоғистонлик жангчи ҳакамлар қарорига кўра дуэл ғолибига айланди ва таиландлик кумуш медал билан кифояланишга мажбур бўлди.
Эслатиб ўтамиз, Маҳмуд Сабирхан бокс бўйича катталар ўртасидаги 2022 йилги Осиё чемпионатида кумуш медали совриндори бўлганди. Жанг олиб бориш техникаси ва услуби учун ОАВ Сабирханни таниқли украиналик боксчи Василий Ломаченкога қиёслаб, «Қозоғистон Ломаченко» деб атаб кетган.
Бу Қозоғистон учун ушбу мусобақадаги учинчи олтиндир. Аввалроқ Санжар Ташкенбай (48 кг) ва Нурсултан Алтинбек (54 кг) ҳам олтин медални қўлга киритганди.
Фото: sports.kz