Қозоғистон теннис федерациясининг хабар беришича, яккалик баҳсларида Ақтау теннис мактаби битирувчиси Даниал Рахматуллаев ғолибликни қўлга киритди.
Даниал ярим финалда ҳамюрти Амир Омархановни уч соатдан ортиқ давом этган баҳсда 5:7, 6:3, 7:5 ҳисобида мағлуб этди.
Финалда у мусобақанинг биринчи ракеткаси россиялик Дмитрий Буртцевдан 6:3, 6:3 ҳисобида устун келди.
А.Омарханов жуфтлик баҳсида болгариялик Иван Найденов билан биргаликда ўзбекистонлик Имран Хаитбоев ва беларуслик Даниил Ряженковга қарши кортга чиқди ва 7:6 (7:2), 6:3 ҳисобида ғалаба қозониб, чемпионлик унвонини қўлга киритди.
Муаллиф: Ғайсағали Сейтақ