NAYROBI. Кazinform - Кенияда бир неча ҳафта давом этган кучли ёмғирлар қурбонлари сони 289 кишига етди, сўнгги 24 соат ичида 12 киши ҳалок бўлди. Бу ҳақда сешанба куни мамлакат расмийлари маълум қилди, деб хабар беради Xinhua.
Кения Миллий ҳукумати ички ишлар ва мувофиқлаштириш вазирлиги маълумотларига кўра, ёмғир оқибатида юзага келган ҳалокатли сув тошқинлари ва кўчкилар туфайли 285.600 киши уйини тарк этишга мажбур бўлган, 412.336 киши эса ёмон об-ҳаводан зарар кўрган.
“Сув тошқинларидан энг кўп зарар кўрган тармоқлар транспорт, уй-жой, таълим, соғлиқни сақлаш ва қишлоқ хўжалиги бўлди”, — дейилади расмийларнинг Кения пойтахти Найробидаги баёнотида.
Расмийлар айни дамда шикастланган йўллар ҳолатини баҳоламоқда ва автомобиль йўлларининг муҳим қисмларини тиклаш ва хавфсиз ҳаракатни таъминлаш учун ресурсларни сафарбар қилмоқда.
Қайд этилганидек, сув тошқинлари келтирган катта зарар туфайли айрим мактаблар ёпилган.
Эслатиб ўтамиз, аввалроқ Кенияда сув тошқинлари қурбонлари сони 154 кишига етгани ҳақида хабар берган эдик.
Бекабат Узаков
Бекабат Узаков(Бегабат Ұзақов) Қазақстан Жазушылар одағының мүшесі, Ғ. Мүсірепов атындағы сыйлықтың лауреаты. Шығармалары 1987 жылдан бастап баспасөзде жарияланады. Бірнеше прозалық кітаптардың авторы. Ташкент мемлекеттік университетінің журналистика факультетін бітірген. Туындылары мен өмірбаяны Қазақстанда қазақ тілінен басқа тілдерде оқытатын мектептердің 7-сыныбына арналған “Қазақ тілі және әдебиетінде”, Өзбекстанда ЖОО-ларға арналған оқулықта оқытылуда. 2023 жылы жазушының 50 жасқа толуына орай “Биікке беттеген Бегабат” атты кітап жарық көрді. Қарақалпақстан, Өзбекстан, Қазақстан мерзімді басылымдарында қызмет еткен. 2021 жылдан бері “ҚазАқпарат” халықаралық ақпарат агенттігінде шығарушы редактор.