Бундай ходимларнинг улуши 26 фоизни ташкил қилади. COVID-19 пандемиясидан олдингига қараганда, ходимлар ва менежерлар орасида профессионал стресс белгилари кўпроқ учрайди.
Мутахассислар профессионал чарчашнинг асосий сабаблари сифатида бюрократик талаблар ва иш мажбуриятларидаги низоларни қайд этишди. Бундан ташқари, ходимларнинг аҳволига ноаниқлик, ортиқча иш юки, бир хилдаги иш ва жисмоний талабчан иш таъсир қилади.
Шу билан бирга, мамлакатда иш қобилиятининг умумий кўрсаткичи яхшиланди. Бу ёзда Финляндия ишчиларининг 43 фоизи ўзларининг иш қобилиятини жуда яхши деб баҳоладилар. Ўтган йили бу кўрсаткич 39 фоизни ташкил этган эди. Тахминан 67 фоизи эса ўз ишларининг жисмоний талабларини тўлиқ бажара олганликларини айтишди.
Тадқиқот шунингдек, ёшга боғлиқ фарқлар мавжудлигини кўрсатди. Ёш ишчилар ўртача жисмоний ва ақлий қобилиятлари юқорироқ, аммо улар ишнинг ижтимоий жиҳатларига мослашишда кўпроқ қийинчиликларга дуч келишади.
30 ёшгача бўлган ишчиларнинг ярмидан кўпи ўзларининг иш қобилиятини жуда яхши деб баҳоладилар. Бироқ, ёшларда ишга қизиқишнинг пасайиши, зерикиш ва ёлғизлик ҳисси кўпроқ учрайди.
Эслатиб ўтамиз, Стрессни камайтиришда ёрдам берадиган маҳсулотлар аниқланди.