Иккинчи жаҳон уруши пайтида йўқолган картина топилди

ASTANА. Кazinform — Француз рассоми Шарль Лебреннинг 81 йил давомида йўқолган деб ҳисобланган “Муқаддас оила” картинаси Потсдамдаги Янги саройга қайтарилди. Расм тахминан 1655 йилда чизилган. Бир аср ўтгач, у Пруссия қироли Буюк Фредерик коллекциясига киритилди.

Фото: BILD

BILD агентлигининг маълумотларига кўра, Иккинчи жаҳон уруши пайтида расм Бранденбургдаги Рейнсберг қалъасига олиб кетилган. Бироқ, у 1945 йил ёзида йўқолган.

2021 йилда асар Берлиндаги кичик аукционлардан бирида топилган. Уни канадалик коллекционер сотиб олган. У расмнинг келиб чиқиш тарихини мустақил равишда аниқлаган ва асарни Потсдамга қайтаришни таклиф қилган.

Музокаралардан сўнг, Пруссия саройлари ва боғлари дўстлари жамияти ва Эрнст фон Сименс санъат жамғармаси расм эгаси билан келишувга эришди. Коллекционерга бир неча юз минг евро миқдорида компенсация тўланган.

17 ноябрдан бошлаб расм Потсдамдаги Янги саройда яна оммага намойиш этилди.

Эслатиб ўтамиз, Пикассонинг картинаси Францияда лотереяда ўйнатилиши ҳақида хабар берган эдик.