ASTANА. Кazinform — Германия ҳозирда пенсия ёшини босқичма-босқич 65 ёшдан 67 ёшгача ошириш жараёнида. Бу жараён ўн йилликнинг охирига қадар якунланиши керак. Бундан ташқари, фуқаролар камида 35 йиллик иш тажрибасига эга бўлса, 63 ёшдан пенсияга чиқишлари мумкин, деб хабар беради DW.
Ҳукмрон коалиция таркибига кирувчи Христиан демократик иттифоқи қошидаги Иқтисодий кенгаш пенсия ёшини янада оширишга чақирди. Кенгаш бош котиби Вольфганг Штайгер бу борада Швеция, Дания ва Нидерландиядан ўрнак олиш зарурлигини айтди.
Унинг сўзларига кўра, "пенсия ёшини 67 ёшдан юқори даражага мунтазам равишда ошириш, пенсия захираларини тўплаш ва нафақага чиққан авлодни қариш билан боғлиқ муаммоларни ҳал қилишга жалб қилиш бу мамлакатларда барқарор пенсия тизимини шакллантиришнинг асосий механизмлари ҳисобланади".
Янги Германия ҳукуматининг асосий мақсадларидан бири пенсия сиёсатининг янги концепциясини ишлаб чиқишдир. Коалиция келишуви пенсия миқдорини аввалги иш ҳақининг 48 фоизи миқдорида сақлаб қолишни ва 63 ёшдан бошлаб пенсияга чиқиш кафолатини назарда тутади. Бироқ, танқидчилар бу чоралар пенсия суғуртаси тизимига юкни ошириши мумкинлигини таъкидламоқдалар.
Эслатиб ўтамиз, Франция парламенти пенсия ислоҳотини тўхтатиб туришни қўллаб-қувватлади.
Бекабат Узаков
Бекабат Узаков(Бегабат Ұзақов) Қазақстан Жазушылар одағының мүшесі, Ғ. Мүсірепов атындағы сыйлықтың лауреаты. Шығармалары 1987 жылдан бастап баспасөзде жарияланады. Бірнеше прозалық кітаптардың авторы. Ташкент мемлекеттік университетінің журналистика факультетін бітірген. Туындылары мен өмірбаяны Қазақстанда қазақ тілінен басқа тілдерде оқытатын мектептердің 7-сыныбына арналған “Қазақ тілі және әдебиетінде”, Өзбекстанда ЖОО-ларға арналған оқулықта оқытылуда. 2023 жылы жазушының 50 жасқа толуына орай “Биікке беттеген Бегабат” атты кітап жарық көрді. Қарақалпақстан, Өзбекстан, Қазақстан мерзімді басылымдарында қызмет еткен. 2021 жылдан бері “ҚазАқпарат” халықаралық ақпарат агенттігінде шығарушы редактор.