Нашр маълумотларига кўра, бу йилги рейтинг Қозоғистондаги йирик битимлар бизнес вакиллари орасида таъсирнинг ўзгаришига қандай таъсир қилганини кўрсатади. Бизнесменларнинг таъсирини баҳолашда нафақат уларнинг бойлиги, балки иқтисодиётнинг асосий тармоқларидаги мавқеи, йирик лойиҳалардаги иштироки ва корхоналар ва минтақалар ривожланишига таъсир кўрсатиш қобилияти ҳам ҳисобга олинади.
Кимлар кучли ўнликка кирди?
Рейтингни Вячеслав Ким бошқарган. У илгари 2023 йилда биринчи ўринни эгаллаган эди. Бир йил ичида бизнесменнинг бойлиги 700 миллион долларга ошиб, 7,8 миллиард долларга етди.
Унинг асосий активи Kaspi.kz компаниясининг 20,75 фоиз улушидир. Бундан ташқари, у «Eltop Soft» ва «Позитив Инвест» компанияларида акцияларга эга. Шунингдек, у "Алсеко" АЖ орқали "Астана-ЭРЦ" МЧЖни назорат қилади.
Болат Ўтемуратов (ForteBank, Ritz-Carlton ва Rixos меҳмонхоналари) иккинчи, Тимур Кулибаев (Halyk Bank, Viled Group, QazaqOil ёқилғи қуйиш шохобчалари тармоғи) учинчи ўринни эгаллади.
Нурлан Смағулов (Astana Motors, MEGA савдо ва кўнгилочар марказлари тармоғи) тўртинчи ўринни эгаллади. Кучли бешликни эса рейтингга янги кирган Шахмурат Муталип якунлади.
Ундан кейинги ўринларни Тимур Турлов (Freedom Holding Corp.), Нурлан Артиқбаев (Qazaq Stroy, «Қазақмыс»), Андрей Лаврентьев («Аллюр», Qarmet), Айдин Раҳимбаев (BI Group) ва Владимир Ким (KAZ Minerals, Bank RBK) эгаллади.
Рейтингга тўртта янги тадбиркор кирди
Бу йил энг нуфузли 50 тадбиркор рўйхатига тўртта янги ном қўшилди.
Integra Construction KZ бенефициари Шахмурат Муталип Eurasian Resources Group (ERG) компаниясининг 39,3 фоиз улушини сотиб олди. Шунингдек, у олтин қазиб олувчи «Алтыналмас» компаниясини сотиб олиш бўйича шартнома имзолади.
Qazaq Stroy компанияси асосчиси Нурлан Артиқбаев «Қазақмыс» корпорациясини назоратга олди.
Қудрат Шамиев ERGнинг Қозоғистондаги корхоналарини бошқарди.
Рейтингга биринчи марта кирган яна бир тадбиркор — бу халқаро Harvest Group асосчиси Алмаз Алсенов. У Қозоғистонда агросаноат кластерини яратиш режаларини амалга оширмоқда.
Эслатиб ўтамиз, ўтган йили қанча қозоғистонлик миллиардер Forbes рейтингига киритилгани ҳақида хабар берган эдик.