Қозоғистонлик теннисчи учинчи босқичда дунёнинг 41-ракеткаси, Польша вакили Магдалена Френхга қарши кортга чиқди.
Рақиблар илгари уч марта тўқнаш келишган ва Рибакина уларнинг барчасида ғалаба қозонган эди.
Бу сафар М. Френх ўйинни брейк билан бошлади, аммо Елена дарҳол ҳисобни тенглаштирди — 2:2. Ҳисоб 5:4 бўлганида, ўйин ёмғир туфайли тўхтатилди ва кейин давом эттирилди. Кейин Рибакина сетни брейк билан якунлади — 6:4.
Иккинчи сетда, ҳисоб 4:3 бўлганида, яна ёмғир ёғди ва ўйин қолдирилди. Бироқ, кейинчалик Елена тай-брейкда ғалаба қозонди — 7:6 (7:2).
Деярли икки соат давом этган ўйинда Рибакина 17 та брейк-пойнтдан 3 тасидан ва 5 та эйсдан фойдаланди. Френх 5 та эйс, 2 та брейк (7 та брейк-пойнт) билан ажралиб турди.
Елена Рибакина чорак финалга чиқиш учун дунёнинг 14-ракеткаси, россиялик Диана Шнайдер ёки 23-ўриндаги польшалик Майя Хвалиньска билан рақобатлашади.
Эслатиб ўтамиз, Елена Рибакина Цинциннати турнирининг учинчи босқичига йўл олди.