Елена Рибакина Australian Open турнирида америкалик теннисчини мағлуб этди
Учинчи босқичда Е.Рибакина дунёнинг 11-ракеткаси америкалик Дениэль Коллинзга қарши баҳс олиб борди.
Бу йил икки теннисчи Аделаида шаҳрида тўқнаш келган ва унда қозоғистонлик теннисчи 5:7, 6:2, 6:3 ҳисобида зафар қучган эди.
Бу сафар Е.Рибакина биринчи ўйинда дубл-брейк амалга оширди ва 6:2 ҳисобида ғалаба қозонди.
Иккинчи сетда ҳисоб 6:5 бўлганида америкалик спортчи брейкни амалга оширди - 7:5.
Е.Рибакина учинчи, ҳал қилувчи ўйинни кетма-кет икки брейк билан бошлади – 4:0. Ниҳоят тўпни ўйинга берганида, хато қилмади – 6:2.
Икки соату беш дақиқа давом этган шиддатли баҳсларда қозоғистонлик теннисчи 8 та эйс амалга оширди ва 6 та брейк-пойнтдан 4 тасидан фойдаланди. Рақиб 3 та эйс ва 1 та брейк билан ажралиб турди.
Шу тариқа, Е.Рибакина спорт фаолиятида илк бор Австралия очиқ чемпионатининг тўртинчи босқичига йўл олди.
Муаллиф: Ғайсағали Сейтақ