Силхет тумани полицияси бошлиғи Чоудҳурй Мд Забер Садекнинг сўзларига кўра, мамлакат пойтахти Даккадан тахминан 240 километр шимоли-шарқда жойлашган Силхет туманида иккита йўловчи автобуси тўқнашди.
Саккиз киши воқеа жойида ҳалок бўлди. Яна бир киши олган жароҳатларидан касалхонада вафот этди.
– Бахтсиз ҳодисада яна 14 киши жароҳат олди. Ҳозирги маълумотларга кўра, улардан 2 тасининг аҳволи оғир, – деди полиция вакили.
Иккинчи бахтсиз ҳодиса Даккадан тахминан 197 километр шимоли-ғарбда жойлашган Богра туманида содир бўлди. Маҳаллий ёнғин ва фуқаролик мудофааси хизмати вакили Мд. Шаҳидул Исломнинг сўзларига кўра, ҳодисада 7 киши ҳалок бўлган ва 15 киши жароҳат олган.
Дастлабки маълумотларга кўра, автобус ҳайдовчиси тезликни оширган ва транспорт воситасини бошқара олмаган. Натижада автобус йўл четида турган бир гуруҳ ишчиларга урилиб кетди.
Барча жароҳатланганлар шошилинч равишда маҳаллий касалхоналар ва клиникаларга олиб кетилди.
Эслатиб ўтамиз, Таиландда ўқувчи мактабда ўқ узиши оқибатида етти киши ҳалок бўлди.