Александр Бублик Германиядаги мусобақанинг ярим финалига чиқди

ASTANА. Кazinform – Қозоғистоннинг биринчи, дунёнинг 48-ракеткаси Александр Бублик Галле (Германия) ATP 500 турнирининг ярим финалига чиқди, деб хабар беради Кazinform мухбири.

Чорак финалда қозоғистонлик теннисчи дунёнинг 9-ракеткаси, 21 ёшли италиялик Янник Синнерга қарши кортга чиқди.

Бунгача рақиблар тўрт марта тўқнаш келишган ва уларнинг барчасида италиялик спортчи ғалаба қозонган.

Яқинда Нидерландиядаги Хертогенбос мусобақасида Я.Синнер А.Бубликдан 6:4, 6:2 ҳисобида устун келди.

Бу сафар қозоғистонлик теннисчи биринчи ўйинда 7:5 ҳисобида зафар қучди.

Иккинчи сетда Бублик 2:0 ҳисобида ғалаба қозонаётган пайтда Синнер ўйинни давом эттиришдан бош тортди.

Атиги 52 дақиқа давом этган баҳсда Бублик 6 та эйс билан бирга 3 та брейк-пойнтдан фойдаланишга муваффақ бўлди. Синнер 2 та эйс, 1 та брейни ишлатди, холос.

Александр Бублик финалга чиқиш учун дунё рейтингида 22-ўринни эгаллаб турган германиялик Александр Зверев ёки 28-ўриндаги чилилик Николас Гарри билан куч синашади.

Эслатиб ўтамиз, Александр Бублик Германиядаги мусобақанинг чорак финалига чиққани ҳақида хабар берган эдик.

Муаллиф: Ғайсағали Сейтақ