Александр Бублик Франциядаги мусобақанинг чорак финалига чиқди

PARIS. Кazinform - Қозоғистоннинг биринчи, дунёнинг 19-ракеткаси Александр Бублик Лион (Франция) АТP 250 турнирининг чорак финалига чиқди.

Мусобақанинг 2-ракеткаси сифатида рўйхатдан ўтган А.Бублик иккинчи даврада дунё рейтингида 93-ўринни эгаллаб турган австралиялик Александр Вукичга қарши кортга чиқди.

Қозоғистонлик теннисчи 1 соат 11 дақиқа давом этган баҳсда рақибини 6:4, 6:2 ҳисобида мағлуб этди. Бублик 10 та эйс ва 3 та брейк-пойнтдан фойдаланди. Вукич 3 та эйс билан чекланди.

Александр Бублик навбатдаги ўйинда дунё рейтингида 57-ўринни эгаллаб турган россиялик Павел Котовни мағлуб этса, ярим финалга йўл олади.

Эслатиб ўтамиз, аввалроқ Қозоғистон ўсмирлари теннис бўйича жаҳон чемпионатининг чорак финалида иштирок этиши ҳақида хабар берган эдик.