Александр Бублик дунёнинг 27-ракеткаси бўлди

ASTANA. Kazinform – Профессионал теннисчилар уюшмаси (ATP) ва Аёллар теннис ассоциацияси (WTA) яккалик ва жуфтлик баҳсларида янгиланган рейтингни эълон қилди, деб хабар беради Kazinform мухбири.

Қозоғистон теннис федерациясининг хабар беришича, Галле (Германия) ATP 500 турнири ғолиби Александр Бублик 48-ўриндан 27-ўринга кўтарилган. Бу унинг рекорди.

Тимофей Скатов - 138, Бейбит Жуқаев - 239, Михаил Кукушкин - 259, Денис Евсеев - 320, Дмитрий Попко 343-поғонада.

Александр Недовесов жуфтлик баҳсларида 53-ўриндан 51-ўринга кўтарилган бўлса, Андрей Голубев 86-ўринни эгаллади.

Аёллар ўртасида Елена Рибакина 3-ўринни сақлаб қолди, Юлия Путинцева эса 50-дан 51-ўринга тушиб кетди. Аружан Сағиндиқова 1064 дан 1022 гача бориб, мингга яқинлашди.

Жуфтлик баҳсларида Анна Данилина - 24, Жибек Қуламбаева - 197-ўринда.

Эслатиб ўтамиз, аввалроқ Александр Бублик илк бор йирик танлов ғолиби бўлгани ҳақида ёзган эдик.

Шунингдек, Александр Бублик жаҳон рейтингида рекорд ўрнатди.

Муаллиф: Ғайсағали Сейтақ