Қозоғистонлик теннисчи Александр Бублик йирик турнир ғолиби бўлди

ASTANA. Kazinform – Қозоғистоннинг биринчи, дунёнинг 48-ракеткаси Александр Бублик Галле (Германия) АТР 500 турнири ғолиби бўлди, деб хабар беради Kazinform мухбири.

Финалда қозоғистонлик теннисчи дунёнинг 7-ракеткаси россиялик Андрей Рублев билан бош соврин учун баҳс олиб борди.

Ундан олдин А. Бублик ўтган йили Монпельеда етти марта АТР турнирларининг финалига чиқди ва улардан фақат биттасида ғалаба қозонди. Бундан ташқари, у биринчи марта АТР 500 даражасида финалга чиқмоқда.

Учрашувни брейк билан муваффақиятли бошлаган қозоғистонлик теннисчи биринчи сетда ўз устунлигини сақлаб қолди – 6:3.

Иккинчи партияда ҳисоб 3:2 бўлиб турганида россиялик спортчи брейкга эришди – 6:3.

Учинчи, ҳал қилувчи сетни А.Бублик брейк билан бошлади - 2:0. Ниҳоят сўнги тўпни узатганда ҳам имкониятини қўлдан бой бермади - 6:3.

Бир ярим соатдан кўпроқ давом этган мусобақада Бублик 21 та эйс амалга оширди ва 6 та брейк-пойнтдан 2 тасидан фойдаланди. Рақиб 11 эйс ва 1 брейк-пойнт билан ажралиб турди.

Шу тариқа, Александр Бублик спорт фаолиятида илк бор АТР 500 чемпионига айланди.

Муаллиф: Ғайсағали Сейтақ