ЖССТ раҳбари: коронавирусни тўлиқ мағлуб этиш учун вакцина етарли эмас

JENEVA. Kazinform – Коронавирус пандемиясини тугатиш учун битта вакцина етарли эмас. Ҳали ҳам эҳтиёт чоралари, оммавий тестлар ва контактда бўлган кишиларни аниқлашда давом этиш лозим. Бу ҳақда Бутунжаҳон соғлиқни сақлаш ташкилоти раҳбари Тедрос Гебрейесус Moderna вакцинасининг самарадорлиги тўғрисидаги маърузалар пайтида маълум қилди, деб беради Kazinform news.un.org сайтига асосланиб.
None
None

Душанба куни оммавий ахборот воситаларида Американинг Moderna компанияси мутахассислари томонидан яратилган вакцинанинг учинчи, яъни клиник синовларининг сўнгги босқичида унинг самарадорлиги 94,5 фоизни ташкил этганлиги ҳақида хабар берилди. Синовлар давомида 95 киши коронавирус билан касалланган, улардан 90 нафари эмлаш ўрнига плацебо қабул қилган. Барча 11 оғир ҳолатлари назорат гуруҳида, яъни плацебо инъекциясини олганларда содир бўлган.

Эслатиб ўтамиз, ўтган ҳафта Германиянинг BioNTech компанияси билан биргаликда Pfizer компанияси томонидан ишлаб чиқарилган вакцинаси самарадорлиги ҳақида эълон қилинган эди.

Доктор Тедроснинг айтишича, ҳатто клиник синовлар тугагандан сўнг ҳам ва бозорда вакцина пайдо бўлганидан кейин ҳам, уни олиш чекланганлигини таъкидлади.

«Дастлаб етказиб бериш назорат қилинади, соғлиқни сақлаш соҳаси мутахассислари, кексалар ва бошқа хавф остида бўлган аҳоли биринчи ўринда туради. Бу ўлим сонини камайтиради ва соғлиқни сақлаш тизимини қўллаб-қувватлайди», - деди доктор Тедрос.

Унинг таъкидлашича, Жаҳон соғлиқни сақлаш ташкилоти вакциналарнинг самарадорлиги ҳақидаги янгиликларга нисбатан «еҳтиёткор оптимизм» билан қарашини унутмасликка чақирди.

Сўнгги хабарлар