Жозеф Байден Суриядаги ИШИД етакчиси йўқ қилинганини эълон қилди

LION. EURONEWS - Кazinform - ИШИД (бошқа номи «Исломий давлат», ИШИД - Қозоғистонда тақиқланган) террорчилик гуруҳи раҳбари Абу Иброҳим ал-Ҳошимий ал-Курейший Сурия шимоли-ғарбида Америка махсус операцияси натижасида йўқ қилинди. Бу ҳақда АҚШ Президенти Жо Байденнинг шахсан ўзи маълум қилди, дея хабар беради Kazinform Euronewsга таяниб.

Идлиб вилоятида десантчилар «ИД» етакчиси жойлашган уйни қуршаб олди. Жанг ярим соатча давом этди. ОАВ хабарларига кўра, операция давомида бир бинода бўлган камида 13 киши, жумладан аёллар ва болалар ҳалок бўлган. Бу ҳақиқат АҚШда ҳам тан олинган.

Вашингтондан олинган хабарларга кўра, Америка томонида йўқотишлар йўқ, бироқ махсус кучлар техник носозликлар юзага келган битта вертолётни ташлаб, йўқ қилишга мажбур бўлган.

Шу билан бирга, араб тилидаги оммавий ахборот воситаларининг ёзишича, операциянинг асл мақсади яна бир юқори мартабали экстремистни қўлга олиш бўлган, бироқ америкаликлар уни топа олмаган.

ИШИДнинг Суриядаги янги раҳбарининг исми аллақачон маълум - бу ал-Исавий исмли ироқлик. У Курейшийнинг ўринбосари эди.