Жанубий Кореяда камдан-кам учрайдиган панда эгизаклари дунёга келди

ASTANA. Kazinform - Жанубий Кореядаги Эверленд кўнгилочар боғида яшовчи Хуа Ни лақабли гигант панда эгизак болаларни дунёга келтирди, дея хабар беради Kazinform Ecns.cnга таяниб.

Гигант пандани сақлаш ва тадқиқ қилиш маркази маълумотларига кўра, энг катта боласининг вазни 180 грамм, энг кичиги эса 140 граммни ташкил этади. Бу жорий йилда Жанубий Кореяда туғилган биринчи панда эгизаклари, шунингдек, биринчи жуфт пандалардир.

Хуа Ни ва унинг болаларининг аҳволи яхши. Марказ Хитой ва Жанубий Корея мутахассислари уларнинг соғлом ўсишини таъминлаш учун яқиндан ҳамкорлик қилишига ишонтирди.

Хуа Ни яна бир гигант панда Юань Синь билан бирга 2016 йилда Жанубий Кореяга тадқиқот дастури учун 15 йиллик ижара асосида келган.