Жанбота Алдабергенова спортдаги фаолиятини якунлаганини маълум қилди

ASTANА. Кazinform — Фристайл-акробатика бўйича Қозоғистон миллий терма жамоаси етакчиларидан бири, Жаҳон кубоги босқичлари совриндори Жанбота Алдабергенова спорт фаолиятини якунлашга қарор қилди. Бу ҳақда МОҚ хабар берди.

- Ҳар бир бошланган ишнинг охири бор. Спорт менга берган ҳавода учиш завқи учун жуда миннатдорман. Бу туйғуни ҳали жуда соғинаман! Менга дунёни кўриш имкониятини берганингиз учун раҳмат. Мени кучли, ғайриоддий одамлар билан таништирганингиз учун ташаккур. Жамоамга машаққатли меҳнати ва қўллаб-қувватлагани учун, шунингдек, спорт йўлимда мен билан бирга бўлган барчага катта раҳмат, — деди спортчи.

Жанбота Алдабергенова ўз фаолияти давомида турли даражадаги 125 та мусобақада қатнашган: учта қишки Олимпия ўйинлари, саккизта жаҳон чемпионати, 54 та Жаҳон кубоги босқичи ва тўртта ўсмирлар ўртасидаги жаҳон чемпионати.

— Умуман олганда, 14 марта ғалаба қозонганман, 33 марта шоҳсупага кўтарилганман.Афсуски, Олимпия ўйинларида медаль қўлга кирита олмадим. Демак, мен Қозоғистонда бу тарихий муваффақиятга эришадиган спортчи мен эмас эканман.Шундай бўлса-да, фахр билан айта оламан (мақтанганим йўқ, бу тўғри) мамлакатимизда фристайл-акробатикага катта ҳисса қўшганман ва ушбу спорт турида мисли кўрилмаган натижаларга эришганман.Қозоғистондан Олимпия чемпиони етишиб чиқишига ишонаман ва бундан умидим катта.Фаолиятимни якунлашимга асосий сабаб эса ўтган мавсум декабрь ойида олган жароҳатим бўлди (сон қисми чиқиб кетган). Ҳозир мен учун энг муҳими саломатлик, — деб ёзади Алдабергенова.

Эслатиб ўтамиз, яқинда Алматида фристайл бўйича Жаҳон кубоги босқичи якунлангани ҳақида хабар берган эдик.