Жаҳон соғлиқни сақлаш ташкилоти Қозоғистонни ўрнак қилиб кўрсатди

BRUSSEL. Kazinform – ЖССТнинг Европа минтақавий бюроси директори Ханс Клюге Қозоғистоннинг коронавирусга қарши кураш чораларини юқори баҳолади, дея хабар беради Kazinform.

«Қозоғистон – COVID-19 билан боғлиқ вазиятни барқарорлаштириш бўйича фаол саъй-ҳаракатларнинг ажойиб намунасидир», - деб ёзди Клюге Twitterда.

ЖССТ Европа минтақавий бюросининг раҳбари мамлакатда қуйидаги антикоронавирус тадбирлари амалга оширилаётганига урғу берди:

- кучайтирилган бошқариш;

- кенг қамровли, шу жумладан тиббий ходимларни ҳам текширувдан ўтказиш;

- маълумотларни рақамли форматда йиғиш;

- профилактика чораларини ўз вақтида бажариш ва беморлар билан алоқада бўлганларни қатъий назорат қилиш;

- беморларни даволашнинг тўғри тактикаси;

- тадқиқот олиб борилиши.