Жаҳон чемпионати: Азамат Даулетбеков эркин кураш бўйича бронза медалини қўлга киритди

NUR-SULTAN. Kazinform – Сербия пойтахти Белград шаҳрида ўтказилаётган кураш бўйича жаҳон чемпионатида Азамат Даулетбеков эркин курашда бронза медалини қўлга киритди, деб хабар беради Kazinform мухбири.

Жаҳон чемпионатида 86 килограмм вазн тоифасида иштирок этган Азамат Даулетбеков дастлабки икки учрашувини кубалик Юриески Кералту ва испаниялик Таймураз Наскидаевга қарши ўтказиб, ғалаба қозонди.

Ярим финалда эса америкалик спортчи Давид Тейлорга имкониятни бой берди.

Қозоғистонлик курашчи 3-ўрин учун кечган баҳсда Пуэрто-Риколик курашчи Итан Рамосни мағлуб этди. Шу тариқа у жаҳон чемпионатининг бронза медалини қўлга киритди.

Азамат Даулетбеков 1994 йил 15 мартда туғилган. Бунгача у 2022 йилда Осиё чемпионатида олтин, 2018 йилда кумуш, 2017 йилда бронза медалини қўлга киритган эди.

Эслатиб ўтамиз, Жамила Бақбергенова аёллар курашида кумуш медални қўлга киритган эди.

Шунингдек, аввалроқ Айдос Султанғали юнон-рум кураши бўйича бронза медалини қўлга киритган эди.