Ўзбекистонда пулни ипак қўшилган қоғоздан ишлаб чиқариш режалаштирилмоқда

None
Фото: UzA
TASHKENT. UzA-Kazinform – ЎР Марказий банк матбуот хизматининг хабар беришича, Адлия вазирлиги «Давлат белгиси» ДУК, «Ўзбекипаксаноат» уюшмаси ҳамда Тошкент тўқимачилик ва енгил саноат институти мутахассисларининг ҳамкорликдаги инновациявий усулда табиий ипак толалари қўшилган ҳимояланган қоғозларни тайёрлаш бўйича изланишларига патент берди, дея хабар беради Kazinform UzA агентлигига таяниб.

Таъкидланишича, банкнотлар, қимматли қоғозлар ва бошқа ҳужжатлар учун ҳимоя хусусиятлари оширилган табиий ипак толалари қўшилган қоғоз тайёрлаш технологияси дунёда илк бор Ўзбекистонда ишлаб чиқилган.

Мазкур ихтиро туфайли ҳимоя элементлари таркибига табиий ипак толалари қўшилган қимматбаҳо қоғозни бошқа турдаги қоғозлардан ажратиш имконияти пайдо бўлади.

Қоғоз тайёрлаш жараёнида табиий ипак толалар қоғоз массасига қўшилади ва сўнгра унга флуоресцент эритмаси шимдирилади. Ультрабинафша нурлар билан ёритилганда ипак оқсили кучайтирилган тўқ рангга киради ва шу йўсинда қоғоз қалбакилаштиришдан ҳимояланади. Бир хил қалинликдаги табиий ипакнинг қоғоз таркибига қўшилиши натижасида унинг мустаҳкамлиги бир неча баравар ошади.

Қайд этилишича, мазкур ихтиро – ипак толаси қўшилган қоғоз тайёрлаш технологияси дунёда банкнотлар, ҳимояланган ҳужжатлар ва қоғозлар ишлаб чиқаришда пешқадам ҳисобланган хорижий компаниялар мутахассисларида катта қизиқиш уйғотган.

Сўнгги хабарлар
telegram