Ўзбекистонда июнь ойи якунлари бўйича дефляция қайд этилди

TASHKENT. Kazinform – Июнь ойида Ўзбекистонда 0,3 фоизлик дефляция қайд этилди, йиллик инфляция эса 9 фоизгача пасайди, дея хабар беради Kazinform агентлиги мухбири.

Ўзбекистон Статистика агентлиги маълумотларига кўра, мавсумий дефляциянинг асосий омили озиқ-овқат маҳсулотлари бўлиб, ўтган ой давомида ўртача 1,1 фоизга арзонлашган, ноозиқ-овқат маҳсулотлари эса 0,4 фоизга, хизматлар эса 0,2 фоизга қимматлашган. Июнь ойида озиқ-овқат маҳсулотлари орасида сабзавотлар энг кўп - 13,8 фоизга, мева ва ёнғоқлар - 2,3 фоизга, ёғ-мой маҳсулотлари - 1,3 фоизга арзонлашган.

«Умумий равишда сабзавот, илдиз мевалари ва дуккакли экинлар, мева ва ёнғоқлар, ёғ ва мойлар, сут, сут маҳсулотлари ва тухум нархларининг арзонлашгани муносабати билан жорий йилнинг июнь ойида қисқа муддатли композицион ИНИ (Истеъмол нархлари индекси) 0,74 фоизга пасайган» – дейилади агентлик маълумотида.

Шунингдек, инфляция бошланганидан бери 3,45% гача тушиб кетган. Йиллик инфляция 9% га тушди, бу 2016 йил августидан бери энг паст кўрсатгич (8,6%).

Муаллиф: Мадибек Джанибеков