Ўзбекистонда автомобиллар ишлаб чиқариш ҳажми 30 мингтага ошди

TASHKENT. Kazinform – 2022 йилнинг биринчи чорагида Ўзбекистонда автомобиллар ишлаб чиқариш ҳажми 30 мингтага ошди, деб хабар беради Kazinform қўмита Telegram каналига таяниб.

ЎР Давлат статистика қўмитаси маълумотларига кўра, 2022 йилнинг январ-апрел ойларида Ўзбекистонда 95 023 дона енгил автомобиллар ишлаб чиқарилган. Ишлаб чиқарилган автомобиллар сони ўтган йилнинг шу даврига нисбатан 30 036 тага ошган.

Ўзбекистонда 2022 йилнинг январ-апрел ойларида саноат маҳсулотларининг айрим турларини ишлаб чиқариш ҳажми қуйидагича:

-автомобил бензини - 382,3 минг тонна;

-кўмир - 1,6 миллион тонна;

-нефт - 248 минг тонна;

-газ конденсати - 459 минг тонна;

-енгил автомобиллар - 95 023 дона;

-автобус - 247 дона;

-юк машиналари - 1188 дона;

-автомобил двигателлари - 71,1 минг дона.

Апрел ойида энг кўп «Cobalt» автомобили ишлаб чиқарилган.