Ўзбекистонда 60 млн дозадан ортиқ КВИга қарши вакцинасидан фойдаланилди
ЎР Соғлиқни сақлаш вазирлиги маълумотларига кўра, бугунги кунга қадар мамлакатда 60 264 895 доза вакцина қўлланилди.
Улардан: биринчи дозани 20 685 580 киши, иккинчи дозани 17 053 235 киши олган, учинчи компонент (ZF-UZ-VAC2001 Хитой-Ўзбек вакцинаси уч дозада юборилади) 9 964 107 нафар ўзбекистонлик эмланди. Бустер доза билан эмланганлар 12 551 973 нафарни ташкил қилди.
«Мамлакатимизнинг катта ёшли аҳолиси орасида биринчи доза билан эмлаш даражаси 96,5 фоизни ташкил этади», - дейилади ЎР Соғлиқни сақлаш вазирлиги хабарида.
Вазирликнинг қўшимча қилишича, 12-18 ёшли ўсмирларни эмлаш учун 1 743 740 доза вакцина ишлатилган.
Улардан: биринчи дозада 920 451 нафари, иккинчи дозада 703 355 нафари ва бустер дозада 119 850 киши ташкил этади.
Аввалроқ Ўзбекистонда эмлаш AstraZeneca, ZF-UZ-VAC2001, «Спутник-V», Moderna, Pfizer ва Sinovac олтита препарат билан амалга оширилгани хабар қилинганди.
Фото: www.diabetesdaily.com
Муаллиф: Мадибек Жанибеков
