Ўзбекистон қовун ва тарвуз экспортидан қанча даромад қилган

TASHKENT. Kazinform - Давлат статистика қўмитаси маълумотларига кўра, 2022 йилнинг январ-июл ойларида Ўзбекистон хорижга қиймати 26,6 млн AҚШ долларига тенг бўлган 98,1 минг тонна қовун ва тарвуз экспорт қилган. Бу ҳақда Kazinform қўмитанинг расмий Telegram-каналига таяниб хабар беради.

Қовун ва тарвуз экспорти ҳажми 2021 йилнинг мос даври билан солиштирилганда 44,5 минг тоннага ошган.

2022 йилнинг 7 ойида Ўзбекистон энг кўп қовун ва тарвуз экспорт қилган давлатлар:

Қозоғистон – 47 минг тонна;

Россия – 23,4 минг тонна;

Қирғиз Р. – 14,4 минг тонна;

Тожикистон – 9,3 минг тонна;

Беларусь – 1,9 минг тонна.

2022 йилнинг 7 ойида хорижга энг кўп қовун ва тарвуз экспорт қилган ҳудудлар:

Тошкент вилояти – 23,4 минг тонна;

Фарғона вилояти – 12,8 минг тонна;

Андижон вилояти – 11,4 минг тонна.