Ўзбекистон фуқароларининг Россияга учиш шартлари ўзгаради

TASHKENT.Kazinform- «Ўзбекистон ҳаво йўллари» 1 сентябрдан бошлаб Россияга жўнаб кетишни режалаштираётган йўловчилар учун зарур шартларни эълон қилди. Бу ҳақда акциядорлик жамияти ахборот хизмати маълум қилди, деб хабар беради Kazinform.

Унга кўра, йўловчиларга «Путешествую без COVID-19» иловаси орқали тақдим этилган «яшил» статус QR-кодини кўрсатиш шарт этиб белгиланади. Кодни олиш учун қуйидаги амалларни бажариш талаб этилади:

App Store, Google Play, AppGallery мобил дўконларидан бири орқали «Путешествую без COVID-19» иловасини юклаш;

уни ишга тушириш, тил ва геолокацияни танлаш;

қайси давлатдан қайси давлатга кетаётганликни белгилаш;

72 соатдан кўп бўлмаган вақтда ПЗР-тестини Ўзбекистонда аккредитациядан ўтган лабораторияларда топшириш. Лаборатория ходимига тест натижасини «Путешествую без COVID-19» мобил иловаси орқали олмоқчи экани ҳақида хабар бериш. Паспорт ва серия рақамини киритиш;

телефондаги QR-код орқали лаборатория томонидан берилган тест натижаларини сканер қилиш;

чегарани кесиб ўтаётганда масъул ходимга QR-кодни телефон экрани орқали тақдим этиш.