Ўзбекистон 672,9 миллион долларлик мева-сабзавот экспорт қилди

TASHKENT. UzA-Kazinform – Ўзбекистон 2023 йилнинг январь-июль ойларида 1,1 миллион тонна мева-сабзавот экспорт қилди, деб хабар беради Kazinform UzAга таяниб.

ЎР Статистика агентлигининг дастлабки маълумотларига кўра, бу кўрсаткич 2022 йилнинг мос даврига нисбатан 1,2 баробар ёки 153,8 минг тоннага ошган.

Ўзбекистон мева-сабзавот маҳсулотларининг асосий экспорт бозорлари Россия (41,8 фоиз), Покистон (14,6 фоиз), Қозоғистон (12,0 фоиз) ва Қирғизистон (9,1 фоиз) бўлди.

2023 йилнинг январь-июль ойларида хорижга 672,9 миллион долларлик мева-сабзавот экспорт қилинди. Бу кўрсаткич 2022 йилнинг мос даврига нисбатан 22,4 фоизга ўсиб, экспортнинг умумий ҳажмидаги улуши 4,5 фоизни ташкил этди.