Йил охирига қадар Қозоғистонда 21 та халқаро спорт турнири ўтказилади

ASTANA. Kazinform – Жорий йилнинг охирига қадар Қозоғистонда турли ўлчамдаги 21 та халқаро турнир, жумладан, болалар-ўсмирлар ва параспорт мусобақалари ўтказилади. Бу ҳақда Kazinform ҚР Маданият ва спорт вазирлигига таяниб хабар беради.

Жумладан, мамлакатимизда бадминтон бўйича Kazakhstan International Series 2023 халқаро турнири (октябрь-ноябрь) ўтказилади. Шунингдек, бокс бўйича эркаклар ва аёллар ўртасида Ғалим Жарилғапов хотирасига бағишланган турнир (декабрь) ўтказилиши режалаштирилган. Бундан ташқари, эркин кураш бўйича Д.Қонаев номидаги халқаро мусобақа (октябрь-декабрь), енгил атлетика бўйича А.Туяқов совринига бағишланган халқаро турнир (декабрь), стол тенниси 2023 WTT contender Almaty (29 август - 3 сентябрь) ва бошқа спорт мусобақалари ўтказилади.

Олимпиададан ташқари спорт турларидан: армрестлинг бўйича жаҳон чемпионати (август-сентябрь), жиу-житсу бўйича AJP Tour Astana Championship халқаро турнири ташкил этилади.

Параспорт: волейбол бўйича Осиё чемпионати бўлиб ўтади (июль).

«Халқаро турнирларни ташкил этишдан бир қанча мақсадлар бор. Бу, энг аввало, спортга умумий қизиқишни ошириш, уни оммалаштиришдан иборат. Бундай мусобақалар ҳам спорт инфратузилмамиздан фойдаланиш, унинг жаҳон андозаларига мослигини текшириш имконини беради. Спортчиларимиз эса юқори савияда қимматли тажрибага эга бўлишади. Албатта, бундай тадбирларни ташкил этишда биз имкон қадар харажатларни камайтиришга эътибор қаратамиз», - дейди ҚР МСВ спорт ва жисмоний тарбия масалалари қўмитаси раиси Ербол Мирзабосинов.