Йил бошидан буён Ўзбекистонга 700 мингдан ортиқ қозоғистонлик сайёҳ ташриф буюрди
NUR-SULTAN. Kazinform - Ўзбекистоннинг туризм саноати тикланди ва йил бошидан буён хорижлик саёҳатчилар оқими 2 баробардан зиёд кўпайди, деб хабар бермоқда Kazinform.
Ўзбекистон Республикаси Давлат статистика қўмитаси маълумотларига кўра, жорий йилнинг етти ойида мамлакатга туристик мақсадларда 2 миллион 400 минг хориж фуқароси ташриф буюрган. Бу ўтган йилга нисбатан 2,2 баробар кўпдир.
Чет эллик сайёҳларнинг деярли учдан бир қисми Қозоғистон фуқаролари бўлди – 716,7 минг киши. Шунингдек, кучли учликдан қўшни давлатлар: Қирғизистон (675,1 минг сайёҳ) ва Тожикистон (637 минг сайёҳ) кирди.
Россиядан 247,2 минг киши Ўзбекистонга борган. МДҲдан ташқари давлатлардан 124 минг, жумладан Туркиядан 38,6 минг, Жанубий Кореядан 8,4 минг, Германиядан 8 минг, АҚШдан 6,3 минг турист Ўзбекистонга саёҳат қилган.
Эслатиб ўтамиз, аввалроқ июл ойида Ўзбекистонга 180 минг қозоғистонлик сайёҳ ташриф буюргани хабар қилинган эди.
