Янги рақамли ҳужжатни eGov Mobile иловасидан олиш мумкин

ASTANА. Кazinform – Янги рақамли ҳужжат – «Коллеж дипломи»ни eGov Mobile мобил иловасидан олиш мумкин, дея хабар беради Кazinform Давлат хизматлари ва онлайн ахборот порталига таяниб.

Коллеж дипломи - ўрта махсус маълумот мавжудлигини тасдиқловчи ҳужжат. Эндиликда ушбу рақамли ҳужжатни eGov Mobile иловаси ўрнатилган смартфон орқали электрон шаклда тақдим этиш мумкин.

«Рақамли ҳужжатлар» хизмати eGov Mobile иловасининг ютуқларидан бири ҳисобланади. Ушбу хизмат ёрдамида фойдаланувчилар ҳар доим мобил телефонидан рақамли ҳужжатларни кўришлари мумкин. Эндиликда коллеж битирувчилари eGov Mobile иловаси орқали ҳужжатдан рақамли форматда фойдаланишлари мумкин. Илгари олий таълим муассасаларининг дипломлари eGov Mobile иловаси фойдаланувчилари учун мобил илова орқали мавжуд эди. Бу зарур ҳужжатларни олиш ва тақдим этиш жараёнини анча соддалаштиради», — деди «Миллий ахборот технологиялари» АЖ бошқаруви раиси Ростислав Коняшкин.

Рақамли ҳужжатдан фойдаланиш учун eGov Mobile иловасининг бош саҳифасида «Рақамли ҳужжатлар» хизматини танлаш керак. Фойдаланувчи QR код ёки 6 рақамли код ёрдамида ҳужжатни алмашиши мумкин. (1-расм).

Рақамли ҳужжат асл ҳужжатнинг аналогидир. Ҳозирда «Рақамли ҳужжатлар» хизматида 27 та ҳужжат мавжуд: улар орасида шахсий гувоҳнома, ҳайдовчилик гувоҳномаси, Қозоғистон Республикаси фуқаросининг паспорти ва бошқалар мавжуд.

Мобил иловани iOS фойдаланувчилари учун App Store платформасидан, Android фойдаланувчилари учун эса Play Market ва App Galleryдан юклаб олиш мумкин.

Хизмат Қозоғистон Республикаси Рақамли ривожланиш, инновациялар ва аэрокосмик саноат вазирлиги, Қозоғистон Республикаси Таълим-мароф вазирлиги ҳамда «Миллий ахборот технологиялари» АЖ ёрдамида амалга оширилди.