Яман денгизида қайиқнинг ағдарилиши оқибатида 20 киши ҳалок бўлди
ASTANA. Kazinform – 18 январm куни Яманнинг Таиз провинцияси яқинида Жибутидан келаётган қайиқ денгизда ағдарилиб кетиши оқибатида 20 нафар эфиопиялик муҳожир ҳалок бўлди. Бу ҳақда Халқаро миграция ташкилоти хабар берди.
Ташкилот маълумотларига кўра, ҳалок бўлганлар орасида 9 нафар аёл ва 11 нафар эркак бор. Қайиқда жами 35 нафар эфиопиялик муҳожир, шунингдек, яманлик капитан ва унинг ёрдамчиси бўлган.
Қайд этилишича, фожиа вақтида кучли шамол ва тўлқинлар бўлган.
Халқаро миграция ташкилоти маълумотларига кўра, 2024 йилда Яманга 60 мингдан ортиқ ноқонуний муҳожир келган. Яманнинг қирғоқ сувлари дунёдаги энг хавфли миграция йўлларидан бири саналади.
2014 йилдан буён Яманга миграция йўлида 3435 киши ҳалок ёки ғойиб бўлгани, жумладан, 1416 нафари сувга чўкиш ҳолатлари қайд этилган.
Аввалроқ Грецияда қайиқ ҳалокатида 8 киши ҳалок бўлгани хабар қилинганди.
