Яқин Шарқ мамлакатлари Қозоғистон тажрибасидан фойдаланиши керак - иорданиялик экспертлар ҚР Президенти Мурожаатномаси ҳақида

None
Фото: Муҳаммад ал-Малкавийнинг шахсий архивидан
АММАN. Kazinform – Иорданиялик экспертлар ҚР Президенти Қасим-Жомарт Тоқаевнинг Қозоғистон халқига Мурожаатномаси юзасидан ўз фикрлари билан ўртоқлашди. Улар Давлат раҳбарининг Мурожаатини мамлакат ҳаётидаги муҳим воқеа сифатида баҳоладилар, шунингдек, унинг Яқин Шарқ минтақаси билан алоқалар призмасида муҳимлигини таъкидладилар, деб хабар беради Kazinform мухбири.

Иорданиялик сиёсатшунос, сиёсат, хавфсизлик ва оммавий ахборот воситалари бўйича маслаҳатчи Муҳаммад ал-Малкавийнинг фикрича, Қозоғистон Президенти Қасим-Жомарт Тоқаевнинг нутқи «Янги Қозоғистон»нинг замонавий тарихида муҳим босқич бўлади.

Мурожаат ҳар жиҳатдан қардош, дўст Иордания ва Қозоғистонга иқтисодий ислоҳотларнинг улкан режалари ва янги иқтисодий йўлни ҳисобга олган ҳолда турли соҳалардаги муносабатларни мустаҳкамлаш имкониятини берди», – дея таъкидлайди эксперт.

«Ўйлайманки, Яқин Шарқ мамлакатлари Қозоғистоннинг сиёсий, иқтисодий ва ижтимоий ислоҳотлар соҳасидаги тажрибасидан фойдаланиб, Қозоғистоннинг сиёсий ва иқтисодий ислоҳотлар соҳасидаги саъй-ҳаракатлари, хусусан, Конституцияга ўзгартиришлар киритиш, қонунчиликни ривожлантириш кабилар билан танишиши керак. Қозоғистон фуқароларини, айниқса, ёшларни Президент ва Парламент сайловларида иштирок этиш орқали қарорлар қабул қилиш жараёнларига жалб қилиш орқали сиёсий, партиявий ва парламент ҳаётини ривожлантириш ҳамда демократияни мустаҳкамлаш ўта муҳимдир», – деди Муҳаммад ал-Малкавий.

Унинг фикрича, Президент Қасим-Жомарт Тоқаев ўз нутқида, умуман, Яқин Шарқ минтақасидаги араб давлатлари, хусусан, Иордания томонидан Қозоғистон билан ҳамкорликда фойдаланиши мумкин бўлган кўплаб соҳаларни таклиф қилди. Мамлакатлар ўртасида сармоя, ишлаб чиқариш, оғир саноат, уранни бойитиш ва автомобилсозлик компонентлари соҳаларида ҳамкорлик қилиш мумкин.

«Яқин Шарқ, жумладан араб давлатлари ва Иордания сармоядорлари Қозоғистонга инвестиция киритишлари ва хорижий ва маҳаллий инвесторлар учун солиқ ва бошқа мажбурий тўловларни дастлабки уч йил давомида тўлашдан озод қилинганидан фойдаланишлари муҳим. Бу, айниқса, Сурия, Ироқ, Ливан, Яман, Ливия ва бошқалар каби Яқин Шарқ минтақасидаги кўплаб мамлакатларда мавжуд хавфсизлик, сиёсий ва иқтисодий беқарорлик, шунингдек, илгари Миср ва Жазоир каби араб сармояси жозибадор бўлган мамлакатлардаги иқтисодий вазиятни ҳисобга олган ҳолда жуда муҳимдир«.

«Иордания Қозоғистоннинг бу борадаги бой тажрибасини, шунингдек, Иорданиянинг ўзининг 42 минг тоннага яқин уран заҳираларига ва ҳар йили 800 тоннага яқин уран ишлаб чиқариш қобилияти эга эканлигини ҳисобга олган ҳолда, уран қазиб олиш соҳасида Қозоғистон билан ҳамкорликка эътибор қаратиши мумкинлигига ишонаман», – дейди Муҳаммад ал-Малкавий.

Иорданиялик сиёсатшунос, геосиёсат бўйича эксперт ва Иордания университети профессори Амер ал-Сабайле ҳам ўз фикрини билдирди.

Унинг сўзларига кўра, ҚР Президентининг Мурожаатномаси замонавий тенденцияларга оид ғоят муҳим кўринишдир. Мутахассис болалар учун таълим ва маданият соҳаларига, транспорт соҳасини ривожлантиришга йўналтирилган инвестициялар, шунингдек, қишлоқ хўжалиги ва унга алоқадор тармоқларни ривожлантириш бўйича улкан режаларни ижобий таъкидлади.

»Бу мамлакат ўз фуқароларининг келажагига сармоя киритиш, мамлакатни бирлаштириш ва барча даражадаги қишлоқ хўжалиги салоҳиятидан, айниқса озиқ-овқат хавфсизлиги соҳасида, илғор қарашларга эга эканлигини англатади«, – деб таъкидлади Амер ас-Сабайле.

Мутахассис таъкидлаган яна бир муҳим масала - ишчилар ҳуқуқларини ҳимоя қилиш, шунингдек, энергия манбаларини ривожлантиришга инвестициялар.

«Ҳарбий-техника мажмуасининг ривожланиши, шунингдек, маҳаллий саноатга боғлиқлиги Қозоғистон Президентининг Мурожаатномаси таълим ва маданият, қишлоқ хўжалиги ва транспортдан тортиб энергетика ва хавфсизликка қадар кенг қамровли қарашларни ифодалашини кўрсатади», – деди эксперт.

Эслатиб ўтамиз, 1 сентябрда Қозоғистон Республикаси Президенти Қасим-Жомарт Тоқаев Қозоғистон халқига Мурожаатномасини эълон қилди.

Муаллиф: Арсен Утешов

Сўнгги хабарлар
telegram