WBO чемпиони Жанибек Алимханулининг илк ҳимоя жангини қайси канал кўрсатади

ASTANA. Kazinform – Мағлубият нималигини билмай келаётган қозоғистонлик профессионал боксчи Жанибек Алимханули (12-0, 8 КО) британиялик Дензел Бентли (17-1-1, 14 КО) билан жангда ўрта вазн тоифасида WBO чемпионлик камарини илк бор ҳимоя қилади, деб хабар беради Kazinform Sports.kz порталига таяниб.

Қозоғистонда Алимханули ва Бентли ўртасидаги жанг трансляциясини Хабар телеканали намойиш этади. Жонли эфир 13 ноябр куни эрталаб Астана вақти билан соат 08:00да бошланади.

Жанибек Алимханулининг чемпионлик жанги Лас-Вегасда бўлиб ўтади. Унинг учун Бентли билан жанг титулни ихтиёрий ҳимоя қилиш мақомига эга бўлади.

Эслатиб ўтамиз, аввалроқ Жанибек Алимханули ўрта вазн тоифасида тўлиқ WBO йўналиши чемпионига айланганди. Собиқ чемпионлик унвони соҳиби Деметриус Андраде Жанибек Алимханулига қарши ўз чемпионлик унвонини ҳимоя қилишдан бош тортди.

Фото: instagram.com/janibek_alimkhanuly