Венгрияда Кўпкари ва миллий спорт турлари ассоциацияси ташкил этилди

BUDAPESHT. Kazinform - Венгрияда Кўкпар ва миллий спорт турлари ассоциацияси ташкил етилди, деб хабар беради Kazinform.

Венгрия-Турон жамғармаси кўмагида ташкил этилган ассоциация анъанавий спорт турларини тизимлаштириш ва оммалаштиришни мақсад қилган. Шунингдек, миллий спорт ассоциациялари ва федерациялари фаолиятини профессионал даражага кўтариш, улар ўртасида ҳамкорлик алоқаларини йўлга қўйиш кўзда тутилган.

Венгриядаги Кўкари ва миллий спорт турлари ассоциацияси вакили Золтан Варганинг айтишича, ассоциация миллий спорт мусобақалари, халқаро турнирлар ва жаҳон чемпионатларини ташкил этиш орқали туркий халқларнинг жаҳон спортига қизиқишини ошириш ниятида. Шунингдек, кўпкарининг миллий спорт турлари ўртасидаги аҳамиятини таъкидлади.

«Бу деярли барча Марказий Осиё давлатларида алоҳида ўрин тутган кўчманчилар ўйини бўлиб, ХХ аср ўрталаригача Венгрияда ўйнаб келган.

Aссоциация таркибига спортнинг 12 тури бўйича ассоциациялар киради. Жумладан, бургут ови, кўпкари, отда ўқ отиш, найза улоқтириш, кураш, совутли аскарнинг қуролли жанглари бўйича спорт бирлашмалари.

Бугунги кунда миллий спорт турларига қизиқиш ортиб бормоқда. Зеро, этноспорт ҳар бир халқнинг ўзига хослиги, анъана ва маданиятини акс эттирувчи воситадир.

«Дунёда кечаётган сиёсий, иқтисодий, экологик ва маданий жараёнлар шароитида келиб чиқишини билиш, кўчманчи халқнинг қадриятлари, мероси ва анъаналарига мурожаат қилиш муҳим аҳамият касб этади», — дейди ташкилотчилар.

Таъкидлаш жоизки, жорий йилда уюшма Венгриядаги «Камончилар йўли» мактаби билан ҳамкорликда кўчманчи халқлар миллий спорт турлари бўйича халқаро чемпионат ташкил этди. Спортчилар от пойгаси, жанговар, ўқ отиш, қиличбозлик каби кўчманчилар ўйинларининг ўн тури бўйича беллашдилар. Шунингдек, ташриф буюрувчилар Венгриянинг бургут ови, кўчманчи турмуш тарзи, уйлар ва қурол-яроғларга бағишланган фотокўргазмани томоша қилди.

Венгрия Кўпкари ва Миллий спорт ассоциацияси Туркиянинг Бутунжаҳон этноспорт конфедерацияси билан ҳамкорликда сентябр ойида Европа Иттифоқи ёшлар етакчилари ва ёшлари ўртасида анъанавий спорт ва маданий меросни тарғиб қилиш лойиҳасида иштирок этди.